Outes Dixital
Taboleiro de anuncios
LIÑA DE AXUDAS DO IGAPE PARA EMPRENDEDORES E EMPRESAS
19/01/2021Dende o concello informámosvos da publicación dunha axuda do Igape para empresas e emprendedores, facilitámosvos un resumo completo da axuda e o documento publicado no DOG.
Para máis información ou se necesitades axuda para elaborar o proxecto podedes contactar coa Axencia de Desenvolvemento Local do concello e preguntar por Carlos Rodríguez.
PLAN DE RECUPERACIÓN DE ÁRBORES AUTÓCTONAS NAS FRANXAS SECUNDARIAS DE PROTECCIÓN CONTRA OS LUMES FORESTAIS
13/01/2021O Concello de Outes repartirá de forma gratuíta as plantas de castiñeiro entre os/as propietarios/as que o soliciten (máximo 20 plantas por propietario/a).
Os/as interesados/as poderán realizar as solicitudes no departamento de urbanismo do Concello entre o 18 e 29 de xaneiro, chamando previamente ao teléfono 637 063 677.
OBRADOIRO DE EMPREGO: BASES DE SELECCIÓN
25/11/2020O Concello de Outes publica a resolución da aprobación das bases de selección do alumnado-traballador e equipo directivo, docente e de apoio do obradoiro de emprego OUTES-NOIA-LOUSAME 2020.
A persoa interesada en participar como alumna neste obradoiro debe:
- Ser maior de 18 anos
- Estar inscrita como demandante de emprego no Servizo Público de Emprego de Galicia (SPEG).
- Ter solicitado no SPEG o obradoiro de emprego.
Ademais, debe cumplir algún dos seguintes requisitos de acceso:
- Título de Graduado en Educación Secundaria Obrigatoria.
- Certificado de profesionalidade de nivel 2.
- Certificado de profesionalidade de nivel 1 da mesma familia e área profesional (Agraria).
- Cumprir o requisito académico de acceso aos ciclos formativos de grao medio ou ben ter superadas as correspondentes probas de acceso reguladas polas administracións educativas.
- Ter superada a proba de acceso á universidade para maiores de 25 anos e/ou de 45 anos.
- Ter superado as competencias clave.
As persoas interesadas en formar parte do equipo directivo, docente ou de apoio do obradoiro de emprego tamén terán que figurar inscritas no SPEG e ter solicitada a correspondente ocupación.
A solicitude de persoas candidatas a oficina de emprego realizarase o próximo luns 30 de novembro.
Unha vez recibida a listaxe de solicitantes contactarase coas persoas candidatas para informalas da documentación que deben presentar e o día e hora da selección.
Para máis información ou ante calquera dúbida, pode contactar coa orientadora laboral no teléfono 981 850 003 ou no enderezo de correo: orientacion.laboral@outes.gal
OBRADOIRO DE EMPREGO
09/11/2020O Concello de Outes acollerá un obradoiro de emprego sobre xestión forestal, organizado xunto cos concello de Noia e Lousame, que dará comezo a finais de decembro. Os interesados deberán estar anotados na oficina de emprego correspondente.
MODIFICACIÓN DA ORDENANZA FISCAL REGULADORA DA TAXA POLO SERVIZO DE RECOLLIDA E TRATAMENTO DE LIXO
07/11/2020O Concello de Outes publica o certificado de modificación da ordenanza fiscal reguladora da taxa polo servizo de recollida e tratamento de lixo.
PROXECTO DE SINALIZACIÓN E ESTABLECEMENTO DE DIRECCIÓN ÚNICA NA RÚA CASTELAO
04/11/2020O Concello ten intención de mellorar a sinalización e establecer como vía de dirección única un tramo da rúa Castelao, na Serra de Outes.
Mediante o presente anuncio dáselle audiencia á veciñanza para facer as consideracións oportunas ao proxecto. O prazo para ditas consideracións remata o 12 de novembro.
LOCAL DE ENSAIO DO CONCELLO DE OUTES
14/10/2020O Concello de Outes pon a disposición da cidadanía do concello e/ou xente vinculada ao mesmo cunha relación de traballo e/ou familia un espazo para o ensaio musical.
O local de ensaio está situado nunha aula do antigo colexio do Cruceiro de Roo e conta cun espazo insonorizado e dispón tamén dun almacén para gardar os instrumentos.
SUBVENCIÓNS A PROXECTOS DE MELLORA DE CAMIÑOS MUNICIPAIS DE ACCESO A PARCELAS AGRÍCOLAS 2020-2021
21/08/2020O Concello de Outes publica a resolución de concesión de axuda para a mellora dos camiños de San Lourenzo a Mastontán e de Valadares a Asenso.
ANUNCIO DE APROBACIÓN DO PADRÓN FISCAL DO SERVIZO DE RECOLLIDA DE LIXO DO 1º SEMESTRE DE 2020
13/08/2020A Xunta de Goberno Local deste Concello, na sesión do 20 de xullo de 2020, aprobou o padrón de contribuíntes da taxa polo servizo de recollida de lixo do 1º semestre de 2020, composto por un total de 3.522 recibos.
CALENDARIO DO CONTRIBUÍNTE DO ANO 2020
10/07/2020O Concello de Outes publica o calendario do contribuínte cos períodos voluntarios de ingreso das débedas de vencemento periódico.
APERTURA DO PRAZO DE SOLICITUDE DE NOVO INGRESO E DE MATRÍCULA DE PERSOA USUARIAS DO P.A.I. DE OUTES
20/05/2020O Concello de Outes informa que o prazo de presentación de solicitudes de novo ingreso e de matrícula de persoas usuarias do punto de atención á infancia (P.A.I.) de Outes, restablécese polo tempo que restaba cando se declarou o estado de alarma, de xeito que se iniciará o día 1 de xuño de 2020 e rematará o día 12 do mesmo mes.
As solicitudes poden presentarse de xeito telemático, a través da sede electrónica do Concello (https://outes.sedelectronica.gal), ou de xeito presencial no despacho da educadora familiar do Concello, solicitando cita previa no número de teléfono 981 850 003 en horario de 9:00 h a 14:00 h de luns a venres.
DEPÓSITO DO LIXO NOS CONTEDORES
06/05/2020A FEGAMP recomenda pechar as tapas dos contedores de lixo. As tapas deben permanecer pechadas por hixiene, para evitar cheiros, minimizar a proliferación de animais e insectos e por cuestións económicas.
A contaminación de coronavirus polo contacto directo coas tapas dos contedores pódese evitar co uso de luvas cando se vaia depositar o lixo, botando un xel hidroalcólico e lavando as mans con auga e xabón. Estas medidas son efectivas e evitan a exposición da poboación aos riscos sanitarios derivados de deixar as tapas dos contedores abertas.
PROCEDEMENTO PARA A TRAMITACIÓN DE SOLICITUDES DO SUBSIDIO EXCEPCIONAL POR DESEMPREGO
06/05/2020O Concello de Outes informa do procedemento para a tramitación de solicitudes do subsidio excepcional por desemprego.
SUBSIDIO EXTRAORDINARIO PARA EMPREGADOS DO FOGAR
06/05/2020O Concello de Outes informa do subsidio extraordinario por falta de actividade para empregados do fogar.
AS EMPRESAS QUE TEÑAN TRABALLADORES NUN ERTE QUE NON COBRARAN A PRESTACIÓN, PODERÁN SOLICITAR UN ANTICIPO
27/04/2020O Concello de Outes informa que as empresas cun ERTE aprobado poderán solicitar un anticipo da prestación para que os seus traballadores podan dispoñer de liquidez.
É un convenio da Xunta de Galicia coas entidades financeiras que non supón ningún custo adicional nin para a empresa nin para o traballador.
MODIFICACIÓN NOS TRÁMITES PARA A EXECUCIÓN DE OBRAS MENORES DE CONSERVACIÓN E MANTEMENTO NAS PROXIMIDADES DOS RÍOS
22/04/2020O Concello de Outes anuncia que a Consellería de Infraestruturas e Mobilidade publicou un novo decreto para facilitar a execución de obras menores de conservación e mantemento nas proximidades dos ríos da Demarcación Hidrográfica Galicia-Costa.
Trátase da modificación do Decreto 1/2015, do 15 de xaneiro, que aumenta os casos nos que se pode substituír o trámite de autorización polo de declaración responsable. Inclúense traballos menores na zona de policía dos ríos da demarcación Galicia-Costa, en xeral unha franxa de 100 metros a cada lado das canles dos ríos.
Este cambio no regulamento introduce ademais que os traballos menores do dominio público hidráulico ou na zona de policía poidan comezarse dende o mesmo momento da prestación da declaración responsable, o que axiliza a súa tramitación.
RESUMO DE MEDIDAS DE APOIO A EMPRESAS E AUTÓNOMOS
21/04/2020O Concello de Outes informa das medidas e programas de apoio a autónomos e empresas durante a declaración do estado de alarma. Podedes descargar o arquivo adxunto para ver un resumo das citadas medidas.
FORMULARIO DE SOLICITUDE DE ALTA INICIAL DA DEMANDA DE EMPREGO
07/04/2020Para facilitar a alta de todas aquelas persoas que NUNCA estiveron inscritas como demandantes de emprego en Galicia, está dispoñible no Portal de Emprego de Galicia un novo Formulario web de solicitude de alta inicial da demanda, no seguinte enlace:
https://emprego.xunta.gal/portal/index.php/gl/formulario-alta-demanda.html
Moi importante! Este formulario só é necesario para o caso nos que a persoa nunca estivese inscrita e necesitase axilizar a alta inicial para solicitar unha prestación, estar afectada/o por un ERTE ou para intermediar nunha oferta ou programa de emprego. Se xa ten demanda previa, o formulario dará un aviso sobre ese feito e:
- Para os casos de prestacións, subsidios ou ERTEs, non terá que facer máis xestións.
- Para o resto dos casos poderá contactar coa súa oficina de emprego ou acceder á Oficina Virtual para reactivar demanda.
Consulte todas as medidas para as persoas demandantes aquí:
https://emprego.xunta.gal/portal/index.php/gl/formulario-alta-demanda.html
CERTIFICADO DE ACORDO PLENARIO
03/04/2020O Concello de Outes informa do acordo de aprobación do Plan Anual Normativo para o ano 2020.
INFORMACIÓN DA SEGURIDADE SOCIAL
31/03/2020Informamos de dúas novas publicadas pola Seguridade Social:
1.- Ante o peche da atención presencial, se ten algún trámite urxente coa Seguridade Social, ISM ou INSS, habilitouse unha canle para que poida realizalo sen necesidade de ter certificado dixital.
Máis información na páxina da Seguridade Social
2.- A Seguridade Social tamén ten habilitada unha páxina na que se recollen as preguntas frecuentes sobre o cese de actividade das persoas autónomas.
DECRETO DA ALCALDÍA: APRAZAMENTO DO COBRO DA TAXA DO LIXO
26/03/2020Coa finalidade de minorar as consecuencias socioeconómicas do coronavirus, o Concello de Outes anuncia que amplía o período de pago establecido para a taxa do lixo, o único correspondente a servizos básicos municipais previsto nas vindeiras semanas.
PROXECTO MUSEISTICO ESTALEIRO “CIPRIAN”
17/01/2020O proxecto museográfico define as características xerais da exposición que albergará o futuro estaleiro rehabilitado, onde o fío condutor será a Carpintería de Ribeira: a edificación, o oficio e as súas técnicas construtivas.
O proxecto é froito dos arquitectos Iago Fernández Penedo e Óscar Fortes Dopico, (A tese doutoral de Fortes versa sobre as arquitecturas das carpinterías de ribeira en Galicia) e afrontouse como unha actuación de consolidación e respecto polo antigo estaleiro tradicional, mantendo os volumes que configuraban a carpintería de ribeira orixinal, sen modificala, tal cal chegou aos nosos días, debido a que é froito da evolución e da memoria da actividade de construción de embarcacións de madeira que alí se desenvolvían.
A idea expositiva non trata de presentar toda a información dispoñible sobre o tema se non que busca elaborar unha síntese que axude á interpretación, que simplifique a visita e a aprendizaxe. Pódense expor instrumentos que amplíen e concreten o discurso: exposicións temporais, actividades de difusión, publicacións, visitas guiadas... A idea é converter toda a área como un exemplo vivo do tradicional oficio de construcións de madeira, que sirva como un referente na defensa, a posta en valor e a continuidade da identidade e memoria do patrimonio marítimo galego en xeral, e en concreto do municipio de Outes.
PROXECTO FINANCIADO POLA UNION EUROPEA A TRAVÉS DO GRUPO DE ACCION LOCAL DO SECTOR PESQUEIRO-SEO DE FISTERRA RÍA DE MUROS-NOIA: COSTA SOSTIBLE.
