Axenda local

24/02/2020
Gallery imx andaina 8 de marzo 2020
Ico noticia NOVA

ANDAINA OUTES POLA IGUALDADE

O Concello de Outes, a través do Centro de Información ás Mulleres, organiza para o 8 de marzo, Día Internacional da Muller, a I Andaina Outes pola Igualdade.

A ruta, de aproximadamente 5 Km, ten unha dificultade baixa e é apta para todas as idades. A saída será ás 10:00 horas dende a Casa da Cultura e a chegada é ao mesmo punto de partida.

Todas as persoas que desexen participar nesta actividade deben inscribirse antes das 19:00 horas do venres 6 de marzo na piscina municipal (Teléfono 981 850 165) ou cubrindo o formulario de inscrición. Tamén haberá a opción de inscribirse o mesmo día da andaina entre as 9:15 e as 9:45 horas.

Actividade gratuíta.

Haberá un agasallo conmemorativo para todas as persoas que se animen a participar.

Acceder ao formulario de inscrición

Ver o cartel

24/02/2020
Gallery imx expo arelandocor 2020
Ico noticia NOVA

EXPOSICIÓN DE PINTURA: ARELANDO COR

Durante o mes de marzo poderase ver na Casa da Cultura de Outes a exposición de pintura “Arelando cor” de Anetadocamilo.

Anetadocamilo é o seudónimo co cal Beatriz Bascoy Cao, unha artista comprometida socialmente e que utiliza a pintura para reflectir a problemática social, asina os seus lenzos.

Do 2 ao 31 de marzo, na Casa da Cultura de Outes.

21/02/2020
Gallery imx curso persoas dependentes
Ico noticia NOVA

CURSO DE MOBILIZACIÓN E COIDADO DE PERSOAS DEPENDENTES

Gran participación no curso de mobilización e coidado de persoas dependentes. Esta acción formativa organizada polo concello de Outes xunto coa Escola Galega de Saúde para Cidadáns tratou de maneira práctica os coidados e as pautas para mobilizar a persoas dependentes.

Nos vindeiros días anunciaranse novos cursos programados xunto coa Escola.

20/02/2020
Gallery img axenda
Ico noticia NOVA

CHARLA COLOQUIO: SÍNDROME ANSIOSO-DEPRESIVO

O vindeiro xoves 27 de febreiro, dentro das xornadas de información sociosanitaria coordinadas polo Dr. José Dios Diz, impartirase unha charla sobre o síndrome ansioso-depresivo. Contaremos como poñente coa Dra. Rosa Cerqueiro Landín, psicóloga clínica do SERGAS.

Xoves 27 de febreiro, ás 18:30 horas no Centro Social.

19/02/2020
Gallery imx curso dependentes hixieneemobilizacions 2020
Ico noticia NOVA

CURSO DE ATENCIÓN A PERSOAS DEPENDENTES: TÉCNICAS DE HIXIENE E MOBILIZACIÓNS

O concello de Outes pon en marcha unha nova acción formativa da área do coidado e atención as persoas dependentes.

Este curso, de 30 horas de duración, centrarase na atención física dos pacientes, traballando contidos como as mobilizacións, hixiene e aseo, etc.

O curso, que se impartira os xoves de 10:00 a 13:00 horas, ten un custo de 40 euros e a data de inicio será o 5 de marzo.

As persoas interesadas en obter máis información sobre esta actividade e/ou inscribirse poden contactar co Servizo de Orientación Laboral (Rúa da Capela nº 13- 1º, Serra de Outes).

Ver cartel

11/02/2020
Gallery imx certame 2020
Ico noticia NOVA

XXIV CERTAME DE POESÍA FRANCISCO AÑÓN

O Concello de Outes, comprometido e interesado en promover os valores creativo-literarios da nosa lingua, organiza o XXIV CERTAME DE POESÍA FRANCISCO AÑÓN, certame que leva o nome do máis ilustre literato do noso concello, Francisco Añón, autor do "Rexurdimento" e un dos precursores da lingua galega.

Poderán participar nel todas as persoas que o desexen e que presenten os seus traballos en lingua galega. O prazo de presentación remata o 2 de abril.

Ver bases do certame

11/02/2020
Gallery imx entroido 2020
Ico noticia NOVA

ENTERRO DA SARDIÑA 2020. CONCURSO DE DISFRACES.

O Concello de Outes organiza un concurso de disfraces e un desfile para celebrar o enterro da sardiña, festa de gran tradición no noso concello, que terá lugar o 26 de febreiro, mércores de cinza.

Toda persoa que desexe participar neste concurso pode apuntarse cubrindo a folla de inscrición e enviándoa á dirección de correo electrónico animacion@outes.gal antes do 24 de febreiro ou o mesmo día do concurso, antes das 16:30 horas, no pavillón polideportivo da Serra.

A cualificación do xurado será no polideportivo da Serra de Outes ás 17:00 h. A continuación o cortexo fúnebre, encabezado pola Sra. Sardiña, sairá da Praza de Galicia e percorrerá as principais rúas da Serra ata chegar á Praza do Bosque, onde se lle prenderá lume á Sra. Sardiña e se servirá un chocolate. Durante o desfile actuará a charanga Santa Compaña.

 

Ver o cartel Bases do concurso Folla de inscrición
07/02/2020
Gallery img campamento entroido 2020
Ico noticia NOVA

CAMPAMENTO “TEMPO DE ENTROIDO”

O Concello de Outes, a través do Centro de Información ás Mulleres quere convidar a tódolos nenos e nenas, de idades comprendidas entre os 3 e os 12 anos a participar no Campamento “TEMPO DE ENTROIDO”, que se desenvolverá os días, 24 e 25 de febreiro, en horario de 8:00  a 16:00 h, no edificio autónomo do CEIP de Outes.

As familias poderán facer uso do servizo en función das súas necesidades, permitindo a entrada e saída flexibles.

Para o bo desenvolvemento das actividades programadas, recoméndase a aquelas familias que non vaian a facer uso do horario completo do campamento, incorporarse a o mesmo sobre ás 10:00 h e saída a partir da 13:30 h.

As nenas e nenos terán opción de almorzar e xantar no servizo, sendo as familias as encargadas de aportar os alimentos.

O número de prazas é de 30, por rigorosa orde de inscrición.

Información e inscrición do 3 ao 19 de febreiro, no Centro de Información ás Mulleres de Outes, Praza do Bosque, en horario de 9:00 a 14:00 horas, teléfono 981850949

23/01/2020
Gallery foto fitur 2020
Ico noticia NOVA

OUTES ESTIVO PRESENTE EN FITUR 2020

O concello de Outes, xunto cos demais concellos da Ría, participou na edición anual da Feira Internacional de Turismo de Madrid 2020 (FITUR).

O alcalde, Manolo González, participou nunha presentación do xeodestino da Ría da Estrela que este ano se centrou nas múltiples posibilidades que ofrece o noso territorio para a práctica do sendeirismo. Manolo González presentou a "Ruta dos carpinteiros cos pés mollados" que está pensada para achegar aos viaxeiros aos múltiples vestixios da Carpintería de Ribeira, actividade na que Outes foi expoñente principal de Galicia entre finais do século XIX e mediados do século XX. Do mesmo xeito, o alcalde presentou a experiencia "Vivir o Marisqueo" que se desenvolveu no ano 2019 de forma piloto e que pretenden amosarlles aos visitantes como se desenvolve a actividade marisqueira na nosa ría e que lles ofrece a posibilidade de degustar os nosos ben coñecidos bivalvos.

15/01/2020
Gallery foto aniversario pai 2020
Ico noticia NOVA

15 ANIVERSARIO DO P.A.I. DE OUTES

O Punto de Atención á Infancia (P.A.I.) de Outes celebrou hoxe o seu 15 aniversario para o cal contou coa presenza da Directora Xeral de Familia, Infancia e Dinamización Demográfica, Amparo González.

O alcalde Manolo González anunciou que o P.A.I. ampliará os seus horarios a partir do 14 de abril, o que redundará nun servizo de maior calidade para as familias de Outes.