Axenda local

Con motivo da celebración do 25N, Día Internacional para a Eliminación da Violencia contra as Mulleres, o Concello de Outes levará a cabo unhas actividades conmemorativas.

O sábado 23, baixo o título VOCES EN FEMININO, OUTES CONTRA A VIOLENCIA DE XÉNERO, terá lugar na Casa da Cultura un acto onde a música será a protagonista, e o día 25, ás 12:30 horas, haberá unha concentración diante da Casa do Concello.

 Ver cartel.

A Deputación da Coruña, dentro da programación deportiva para o ano 2025, pon en marcha a Campaña de Neve 2025 que terá lugar na Estación Invernal de Valgrande-Pajares (Asturias).

O Concello de Outes ten adxudicadas 5 prazas para  para a 5ª quenda que terá lugar dende o 07/02/25 ata o 10/02/25. Os participantes neste programa gozarán de catro días con aloxamento a pé de pista e manutención, ademais de cursos de esquí.

Para participar é preciso ter entre 11 e 15 anos (cumpridos a 31 de decembro de 2024) e estar empadroados en Outes.

 Máis información e folla de inscripción

O concello de Outes informa de que abrirá o prazo de inscricións o vindeiro martes, 29 de outubro, para aquelas persoas que queiran participar na formación en Carpintaría de Ribeira a través do proxecto conxunto do Concello de Outes e a asociación Terra de Outes: “Reconstrución dun barco Sancosmeiro e recuperación da carpintería de ribeira”.

A formación vai destinada a protexer e divulgar o patrimonio material e inmaterial da carpintaría de ribeira e achegar os coñecementos en carpintaría á cidadanía en xeral.

As inscricións realizaranse no rexistro do concello ou a través da sede electrónica ( outes.sedelectronica.gal)

Máis información:
Proposta formativa	Calendario do curso	Condicións de inscrición e participación

 Ver cartel

 Folla de inscrición

O Concello de Outes colabora na actividade "Espellos Íntimos" organizada pola Deputación da Coruña. Trátase dun obradoiro práctico, sobre a maternidade e os coidados, destinado a mulleres de distintas xeracións.

Máis información e inscricións no CIM de Outes, teléfono 981 850 949.

 Ver cartel

O Concello de Outes publica a oferta de actividades de cultura, deportes e dos centros sociais para o outono e inverno 2024/2025.

 Ver folleto de actividades

As inscricións nas actividades de cultura e deporte deben facerse cubrindo a folla de inscrición e entregándoa no rexistro do Concello, ben de forma presencial ou a través da nosa sede electrónica.

As actividades de cultura e deportes gozan dun desconto do 50% a partires da terceira en cada grupo. Existen descontos familiares de ate o 60%. Podes consultar a ordenanza premendo aquí

O concello de Outes financia con recursos propios o 72,8% do custo total das actividades financiándose o resto cos prezos públicos que aportan os usuarios das mesmas.

Para inscribirse en algunha das actividades dos centros sociais, entregar a folla de inscrición do Centro Social da Serra.

O prazo para inscribirse comeza o vindeiro 12 de setembro. Nas actividades da piscina municipal, a inscrición para os non abonados comeza o 18 de setembro.

 Folla de inscrición nas actividades de cultura e deportes

 Folla de inscrición familiar

 Folla de inscrición nas actividades da piscina

 Folla de inscrición nas actividades dos centros sociais

O Concello de Outes oferta unha serie de actividades  que se impartirán en distintos centros sociais entre os meses de outubro e xaneiro, ambos incluídos.

As persoas interesadas en participar en algunha delas deberán anotarse no Centro Social da Serra a partir do 12 de setembro.

 Ver actividades

 Folla de inscrición

O concello de Outes presenta a 29ª edición da programación local de teatro cun amplo abano de datas programadas. Do sábado 21 de setembro ate o 28 de febreiro o auditorio da casa da cultura acollerá un total de 20 obras de teatro de compañías galegas e do resto do estado. Este ano estreamos un novo sistema para a reserva de entradas que inclúe varias novidades:

• Creamos dous bonos teatro para que os amantes do Outono Teatral poidan gozar cunha soa reserva todas as obras de teatro. Haberá a disposición da cidadanía os seguintes bonos:

  • Bono Xeral: Reserva en 9 obras para adultos e de especial interese para todos os públicos.

  • Bono Miúdo: Reserva en 6 obras pensadas para o público familiar e os máis cativos da casa.

• Creamos un sistema de reserva telemática onde se poderán conseguir unha porcentaxe de entradas do auditorio dúas semanas antes de cada obra mantendo tamén a reserva presencial.

• Mantense tamén a reserva de entradas presencial na Casa da Cultura en horario de oficina a partir do luns previo a cada obra.

Os bonos Xerais e Miúdos poderánse obter a partires do luns 9 de setembro en horario de oficina da Casa da Cultura. Ambos bonos gozan dun 30% de desconto no prezo total de cada obra. O mesmo día sairán á disposición do público a primeira tanda de entradas a través do sistema telemático e o luns previo a cada obra estarán dispoñibles as entradas gardadas para a reserva presencial en oficina.

Este sistema garante que os visitantes non empadroados no concello de Outes colaboren económicamente coa programación cultural do noso concello, axuda a mellorar e ampliar a oferta cultural, permítenos optar nun futuro a axudas da Xunta de Galicia xa que co sistema previo era imposible acceder e facilita a reserva para todos os grupos de idade a través das diferentes opcións que brinda á cidadanía. As persoas con carné xove, maiores de 65 anos ou en situación de paro tamén poderán dispor dun desconto específico.

Este ano, ademais, Outes convértese no primeiro espazo galego en entrar no circuíto AUDACES que, xunto con ASSITEJ, permítenos dotar á xuventude outense de obradoiros de formación xunto con pases escolares exclusivos. Anímate a participar e vivir a cultura ao vivo de Outes! #enOutesCultura

O prezo dun Bono Xeral é de 25,90 € co 30% de desconto incluído. O total por separado das 9 obras incluídas sería de 37 €. Obténdoo gozas dunha reserva automática nas funcións que podes atopar abaixo. O prezo medio por obra é 2,88€

 

O prezo dun Bono Miúdo é de 11,90 € co 30% de desconto incluído. O total por separado das 6 obras incluídas sería de 17 €. Obténdoo gozas dunha reserva automática nas funcións que podes atopar abaixo. O prezo medio por obra é 1,98 €

Podes consultar os prezos de cada función e os pases gratuítos no cartel.

 PREME AQUÍ PARA CONSULTAR O CARTEL DESTA EDICIÓN

 PREME AQUÍ PARA VISUALIZAR O VÍDEO DA PRESENTACIÓN DESTA EDICIÓN

 PREME AQUÍ PARA CONSULTAR AS OBRAS INCLUÍDAS NO BONO XERAL

 PREME AQUÍ PARA CONSULTAR AS OBRAS INCLUÍDAS NO BONO MIÚDO

 PREME AQUÍ PARA OBTER AS ENTRADAS TELEMÁTICAMENTE (A partires do 9 de setembro)

 PREME AQUÍ PARA CONSULTAR O ACORDO DE PREZOS PÚBLICOS

 PREME AQUÍ PARA CONSULTAR AS CONDICIÓNS DE ADQUISICIÓN DE ENTRADAS E BONOS

O Concello de Outes organiza catro roteiros culturais, que se desenvolverán este outono, para coñecer o noso patrimonio da man dun experto.

A inscrición é obrigatoria e abrirase o luns previo a cada andaina. Pode facerse cubrindo o formulario que encontrarás escaneando o código QR do cartel ou  premendo aquí. Tamén podes facelo na Casa da Cultura.

 Ver cartel

O Concello de Outes abre o prazo de inscrición para o  Servizo de Madrugadores, curso 2024-25 que se enmarca dentro do programa Outes Concilia. Nas seguintes ligazóns podes obter máis información e descargar os formularios pertinentes para formalizar a inscrición.

O Concello de Outes abre o prazo de inscrición para o servizo de “Madrugadores”, curso 2024-2025, que forma parte do programa “Outes Concilia”. Dito servizo desenvolverase no edificio autónomo do CEIP Plurilingüe de Outes.

Madrugadores: ofrece un servizo de acollida, coidado, no que as/os menores poden almorzar. As familias deberán achegar os alimentos diariamente en termos ou envases adaptados a este fin.

Levarase a cabo durante todo período lectivo, en horario de 7:50 h da mañá ata o inicio das clases. As familias farán uso do mesmo, en función das súas necesidades de conciliación, pero deben incorporarse ó mesmo, como mínimo 30 minutos antes de comezar a xornada escolar. O inicio da prestación do servizo será o primeiro día do calendario escolar 2024-2025, o 11 de setembro. Está destinado a nenas e nenos escolarizados no CEIP de Outes, de idades comprendidas entre os 3 e os 12 anos. Poderá ser utilizado de forma fixa ou ocasional. Prazas limitadas.

Visualizar folla informativa e condicións

Descargar folla de inscrición

Descargar consentimento para o tratamento dos datos

Sábado 17 de agosto dende as 11:00 ate as 21:00 na Rúa da Capela

Achégate a coñecer o comercio local, agro e postos de artesanía nunha xornada chea de concertos, exposicións e animación infantil. Haberá servizo de polbeira e hostelaría. Dende o concello de Outes organizamos a Feiriña co obxectivo de dinamizar a economía local poñendo o foco no comercio de proximidade e coa intención de fomentar o producto local. Nesta edición bateremos record con máis de 60 postos á disposición do consumidor.