Axenda local

19/11/2019
Gallery outes en negro web
Ico noticia NOVA

OUTES EN NEGRO

Desde o Concello de Outes consideramos que fronte ás violencias machistas é necesaria unha resposta unánime de rexeitamento de toda a sociedade. Por iso animamos a toda a poboación a que se implique na conmemoración do 25 de novembro "Día Internacional contra a Violencia de Xénero". Este ano adherímonos á Campaña En Negro. "Outes en Negro " propón vestir de loito a nosa vila, en sinal de dor por todas as mulleres que sofren violencia, e como resposta máis dura das súas consecuencias, a morte. O sábado 23 de novembro as 20:00 horas na Casa de Cultura lerase un manifesto e gardarase un minuto de silencio por todas as vítimas.

Ver cartel das actividades

24/09/2019
Gallery tardes divertidas
Ico noticia NOVA

TARDES DIVERTIDAS

O Centro de Información ás Mulleres de Outes organiza a actividade Tardes divertidas, destinada a rapazas e rapaces de 3 a 12 anos.

Terá unha duración de outubro a maio, en horario de 17:00 a 19:00 horas, de luns a venres (días lectivos) e realizarase no C.E.I.P. de Outes. As inscricións están abertas dende o 23 de setembro.

Máis información e inscricións no Centro de Información ás Mulleres de Outes (Praza do Bosque. Teléfono: 981 850 949)

17/09/2019
Gallery vivir marisqueo 2019
Ico noticia NOVA

VIVIR O MARISQUEO

A experiencia “Vivir o Marisqueo”, impulsada polo Concello de Outes, pretende que os e as visitantes coñezan de primeira man a actividade marisqueira que se desenvolve na nosa ría. Esta actividade artesanal lévase realizando dende hai séculos nun espazo territorial costeiro dunha beleza e riqueza medioambiental única.

As persoas visitantes tamén poderán degustar os produtos extraídos, nomeadamente berberechos e ameixas, nos restaurantes da zona e quen o desexe pode prolongar a súa estancia aloxándose en algún dos establecementos do Concello.

VEN VIVIR A EXPERIENCIA

  • 8:00 a 8:15 horas. Almorzo no Centro Náutico do Freixo. Dende a terraza veremos saír as ducias de pequenas embarcacións cara ao lugar de traballo.
  • 9:30 horas. Percorrido cara aos lugares de traballo dos mariscadores e mariscadoras a pé. Posteriormente observaremos o regreso das embarcacións e visitaremos a lonxa para ollar de primeira man o proceso de descarga e clasificación do marisco.
  • 13:00 horas. As persoas visitantes poderán degustar un menú, previamente elixido e baseado no marisco extraído, en calquera dos restaurantes colaboradores.

RESERVAS

Rógase facer as reservas con 24 horas de antelación chamando ao número 644 78 75 13 ou a través do correo electrónico turismo@outes.es. A actividade dará comezo o 23 de setembro.

Ver o cartel

Facebook

13/09/2019
Gallery actividades 2019 2020
Ico noticia NOVA

ACTIVIDADES DE OUTONO E INVERNO 2019/2020

O Concello de Outes publica a oferta de actividades para o outono e inverno 2019/2020.

Ver o folleto de actividades.

As follas para a inscrición na distintas actividades poden descargarse dende Descarga de impresos.

11/09/2019
Gallery imx2 outono teatral 2019
Ico noticia NOVA

OUTONO TEATRAL 2019

O 28 de setembro, enmarcado dentro da programación cultural do Concello de Outes, arranca a 24 edición do “Outono Teatral”.

Este ano contaremos con 13 representacións, nas que terán cabida tanto obras para público infantil como para adultos.

Tódalas representacións serán no auditorio da Casa da Cultura e a entrada é gratuíta.

Ver cartel

19/08/2019
Gallery img axenda
Ico noticia NOVA

SERVIZO DE MADRUGADORES

O Concello de Outes abre o prazo de inscrición no servizo de madrugadores aos nenos e nenas escolarizados no CEIP de Outes a partir do martes 20 de agosto.

O obxectivo deste servizo é facilitar a conciliación da vida familiar e laboral durante o curso escolar. Posibilitará que as familias poidan deixar aos seus fillos e fillas a cargo de monitorado especializado no centro escolar desde as 8:00 da mañá ata o inicio da clases.

Máis información e inscrición no Centro de Información ás Mulleres de Outes, Praza do Bosque, en horario de 9:00 a 14:00 horas, teléfono 981850949.

19/08/2019
Gallery img axenda
Ico noticia NOVA

ESPAZOS DAS FAMILIAS. CURSO 2019/2020

O Concello de Outes, en colaboración coa asociación socio-educativa Antonio Gandoy, pon en marcha a actividade Espazos das familias para o curso 2019/2020. Trátase dun programa de formación de pais e nais de nenos e nenas de idades comprendidas entre os 0 e 3 anos (que non estean escolarizados) para dar resposta ás necesidades das familias en grupo e tamén mediante o asesoramento individual e presencial.

O prazo de inscrición estará aberto dende o 20 de agosto ata o 31 de decembro de 2019, podendo anotarse aqueles que estean interesados no rexistro xeral do Concello en horario de 9:00 h a 14:00 h. As inscricións serán aceptadas segundo a orde de entrada no rexistro.

O custo desta actividade será asumido na súa totalidade polo Concello de xeito que para as familias sexa un recurso educativo gratuíto.

Para mais información poden poñerse en contacto coa educadora familiar (teléfono 981 850 003).