Axenda local

O Concello de Outes publica o calendario dos roteiros culturais que se desenvolverán esta primavera para coñecer o noso patrimonio da man dun experto.

A inscrición é obrigatoria e abrirase o luns previo a cada andaina. Pode facerse cubrindo o formulario que encontrarás escaneando o código QR do cartel ou premendo aquí.

Tamén podes facelo na Casa da Cultura.

 Ver cartel

Ver vídeo de presentación

O tenente alcalde e concelleiro de cultura, Anxo Núñez Fernández, presentou o venres a 24ª Edición do Pampallín en Outes. Nesta edición, o concello aposta pola música ao vivo, profesional e en galego.

Tres grupos potentes e de actualidade no panorama musical galego encherán o vindeiro 30 de abril, véspera de festivo, o escenario do festival na Praza de Galicia:

• Mondra - "Folía das Ardentes"
• The Rapants - "La máquina del buen rollo"
• Lontreira - "Apnea"

Os xéneros de electro-pop, electro tradicional, rock, indie e garage encherán a noite máxica do Pampallín.

O concello ademais, fai unha aposta pola recuperación da tradición vencellada ao Pampallín que vai da man cos maios celebrados en toda Galicia e Europa para a bendición das labores agrícolas a través de ritos ancestrais. No caso do concello de Outes, isto materializábase na festividade do Pampallín no que a mocidade outense se xuntaba nas agras ao anoitecer para percorrer cun facho de palla ardendo os cultivos e chamar por unha colleita próspera e abundante:

Pampallín, Pampallán
Aluméame o meu pan
Espigas coma carballos
E grans coma bugallos
Aí vén o trigo
Aí vén o pan

É por iso polo que está previsto celebrar un rito do lume no primeiro descanso da noite. Nas vindeiras datas anunciarase tamén, con máis detalle, un obradoiro para a preparación do mesmo e as diferentes colaboracións con entidades locais: Terra de Outes, CEIP Outes, IES Poeta Añón, ADISBISMUR e Protección Civil. Dende o concello tamén se valora positivamente a liña de axudas para festivais que presta a Deputación da Coruña e que se solicitou para o desenvolvemento do Pampallín.

O 30 de abril comporase do Pampallín Miúdo a partires das 17:00 con inchables, xogos tradicionais e música para os máis cativos e coa noite grande a partires das 22:00 que comezará da man do pasarrúas de Latexo Percusión e continuará cos tres concertos.

O concelleiro de cultura fai un chamamento a toda a veciñanza do concello, da ría e a todos os galegos e galegas a achegárense ao que será o evento musical do ano en Outes e unha noite para recordar.

 Ver cartel

Ver vídeo da presentación do Pampallín 2024

Esta mañá o alcalde, tenente alcalde e o deseñador gráfico local, Ismael Calvo, presentaron a nova imaxe institucional e manual corporativo do Concello de Outes.

Trátase dun plan de comunicación gráfica que facilitará e mellorará a comunicación da administración pública coa cidadanía. O novo deseño traslada os elementos principais do escudo oficial cara unha linguaxe visual simplificada e atractiva. Na rolda de prensa tamén se anunciou que nos vindeiros meses se publicarán as seguintes melloras no eido da comunicación:

• Elaboración dunha nova páxina web máis accesible, sinxela e eficaz
• Creación dunha nova aplicación móbil para o acceso a información da cidadanía e a comunicación directa co concello para trasladar propostas e avisos

O manual de identidade pódese consultar na páxina web do concello:  https://www.outes.gal/gl/imagen_institucional

 Ver vídeo da presentación

O  Concello de Outes publica as actividades sobre igualdade que se levarán a para conmemorar o 8M, Día Internacional da Muller.

A andaina do domingo queda aprazada por mor do mal tempo que se prevé para esta fin de semana.

 Ver cartel

 Ver declaración institucional

O Concello de Outes, comprometido e interesado en promover os valores creativo-literarios da nosa lingua, organiza o XXVIII CERTAME DE POESÍA FRANCISCO AÑÓN, certame que leva o nome do máis ilustre literato do noso concello, Francisco Añón, autor do "Rexurdimento" e un dos precursores da lingua galega.

Poderán participar nel todas as persoas que o desexen e que presenten os seus traballos en lingua galega. O prazo de presentación remata o 1 de abril.

 Ver bases

O Concello de Outes está a participar, xunto con outros 21 concellos galegos, no piloto do proxecto EC4RURAL, que ten como finalidade promover a participación rural na transición cara as enerxías limpas a través das comunidades enerxéticas.

A iniciativa pretende afondar e axudar ao cambio de modelo enerxético, imprescindible no actual escenario climático, e ao mesmo tempo crear e impulsar as comunidades enerxéticas nos municipios rurais para contribuír á transición cara as enerxía limpas nas zonas rurais europeas.

Os socios deste proxecto son a Universidade de Vigo (coordinador), a Federación Galega de Municipios e Provincias (España), a Fundación Juana de Vega (España), Espazocoop Unión de Cooperativas Galegas (España), Sapiens Enerxía (España), Association of Estonian Cities and Municipalities (Estonia), Tartu Rexional Energy Agency (Estonia), European LEADER Association for Rural Development (Bélxica), Estonian LEADER Union (Estonia) e a University of Tartu (Estonia)

O proxecto, que conta cun orzamento de 1,58 millóns de euros (dos cales algo máis de 700 mil euros serán mobilizados en Galicia), está cofinanciado polo programa europeo LIFE e comezou a executarse en setembro de 2023 e rematará en agosto de 2027.

Para saber máis,  picar aquí

Animádevos a participar cubrindo a seguinte  enquisa sobre o proxecto

O servizo de normalización linguística do concello de Outes desenvolveu nestes días a campaña de En Outes, en galego para a normalización da nosa lingua nos eidos comerciais e deportivos. Nesta ocasión, repartíronse bolsas de tea co motivo e concienciouse ao tecido comercial do concello para empregar o galego en todalas comunicacións, petos deportivos e charlas para o uso do galego no deporte.

O Concello de Outes publica a oferta de actividades de cultura, deportes e dos centros sociais para o outono e inverno 2023/2024.

  Ver folleto de actividades

As inscricións nas actividades deben facerse cubrindo a folla de inscrición e entregándoa no rexistro do Concello, ben de forma presencial ou a través da nosa sede electrónica.

  Folla de inscrición nas actividades de cultura e deportes

 Folla de inscrición nas actividades dos centros sociais

O Concello de Outes informa da apertura de inscricións para as actividades deportivas para este outono-inverno.

 Ver cartel

 Folla de inscrición

O Concello de Outes pon a disposición das familias outenses o servizo de conciliación “Madrugadores” para o curso 2023-2024, que forma parte do programa “Outes Concilia”.

Dito servizo está destinado a nenas e nenos escolarizados no CEIP de Outes, de idades comprendidas entre os 3 e os 12 anos e poderá ser utilizado de forma fixa ou ocasional.

As prazas limitadas son limitadas e o período de inscrición é dende o 22 ao 31 de agosto.

 Condicións da convocatoria

 Folla de inscrición

 Consentimento para o tratamento de datos persoais