Agenda local

01/12/2020
Gallery imx o noso nadal 2020
Ico noticia NOTICIA

CONCURSO DE POSTAIS E MICRORRELATOS DE NADAL

O Servizo de Normalización Lingüística do Concello de Outes fai público o concurso de microrrelatos e postais “O noso Nadal”, co que pretende promover a creatividade e o uso do galego no tempo de Nadal.

Mediante o concurso preténdese estimular a creatividade e a inventiva entre os máis cativos da casa pero tamén entre as persoas adultas, pois hai diferentes categorías que abranguen a toda a poboación. Animamos a toda a poboación a participar pois haberá algúns obsequios e máis de 300€ en premios que se poderán gastar no comercio outense.

Esta é unha actividade que, ademais de promover o uso do galego, entre a poboación en xeral, e entre a mocidade e infancia, en particular, preténdese involucrar aos pais, nais, avós e avoas para que sexa unha actividade interxeracional.

En relación ao concurso, no concurso de postais poderán presentarse un máximo de 2 traballos, cunha mensaxe en galego dun máximo 50 palabras e dividido en tres categorías; 1ª até sete anos, 2ª de oito a once e a 3ª de 12 anos en diante. No caso do concurso de microrrelatos, cada persoa poderá presentar un único traballo en lingua galega que terá un máximo de 250 palabras e dividido en dúas categorías; 1ª até 11 anos e 2ª de 12 anos en diante.

As persoas interesadas poderán entregar os traballos na Casa da Cultura da Serra de Outes até o 22 de decembro.

 Ver bases do concurso

26/11/2020
Gallery imx concurso escaparates 2020
Ico noticia NOTICIA

CONCURSO DE ESCAPARATES DE NADAL

O Concello de Outes organiza para este Nadal un Concurso de escaparates no que se poderán inscribir tódolos establecementos comerciais que desexen participar.

O tema a desenvolver xirará en torno ao ambiente do Nadal e haberá total liberdade en canto á técnica e estilo. Valorarase a creatividade, orixinalidade, combinación de elementos e cores, iluminación e composición.

A inscrición é de balde e para participar deberá presentarse por rexistro, no Concello, a ficha de inscrición debidamente cuberta.

 Ver bases do concurso

 Folla de inscrición

18/11/2020
Gallery imx ranking tenis
Ico noticia NOTICIA

RANKING DE TENIS OUTES 2020/21

O Concello de Outes organiza un Ranking de tenis que dará comezo o 30 de novembro e terá unha duración de 6 meses.

As persoas que desexen inscribirse deberán cubrir a folla de inscrición e entregala no pavillón da Serra. O prezo da actividade é de 36 euros que se cobrarán ao finalizar o campionato.

 Ver bases do torneo

 Folla de inscrición

13/11/2020
Gallery imx certame a on 2020
Ico noticia NOTICIA

XXIV CERTAME FRANCISCO AÑÓN DE POESÍA: GAÑADORES

O concello de Outes publica a acta do ditame do xurado da XXIV edición do certame Francisco Añón de poesía.

O acto de entrega de premios e a presentación dos libros onde se recollen os poemas gañadores da edición pasada, así como a separata do libro gañador da categoría F “Agora que nos roubaron” de Mariña López Varela, queda aprazado por mor da crise sanitaria orixinada pola COVID-19.

 Ver acta

21/10/2020
Gallery imx xornadas sociosanitarias 2020 21
Ico noticia NOTICIA

XV XORNADAS DE INFORMACIÓN SOCIO-SANITARIA DE OUTES

O 29 de outubro darán comezo as XV Xornadas de Información Socio-sanitaria de Outes.

Organizadas polo Concello de Outes e coordinadas polo Doutor Xosé María Dios Diz, as conferencias-coloquio celebraranse o último xoves de cada mes ás 18:30 horas.

Por motivos de seguridade, debido á pandemia da COVID-19, prégase a todas as persoas que queiran asistir que reserven praza no teléfono 981 850 575.

 Ver programa

16/09/2020
Gallery imx outono teatral
Ico noticia NOTICIA

OUTONO TEATRAL 2020

O 26 de setembro e enmarcado dentro da programación cultural do Concello de Outes, arranca a 25 edición do “Outono Teatral”.

Este ano contaremos con 19 representacións, nas que terán cabida tanto obras para público infantil como para adultos.

A consecuencia da crise sanitaria ocasionada pola COVID-19, temos un protocolo cunha serie de medidas para o acceso á sala e o reparto de entradas.

 Ver cartel

 Ver protocolo

14/09/2020
Gallery imx actividades 2020 2021
Ico noticia NOTICIA

ACTIVIDADES DE OUTONO E INVERNO 2020/2021

O Concello de Outes publica a oferta de actividades de cultura, deportes e do centro social para o outono e inverno 2019/2020.

 Ver folleto de actividades

As inscricións nas actividades debe facerse cubrindo a folla de inscrición e entregandoa no rexistro do Concello, ben de forma presencial ou a través da nosa sede electrónica.

 Folla de inscrición nas actividades de outono e inverno

21/08/2020
Gallery outes concilia web
Ico noticia NOTICIA

MADRUGADORES E TARDES DIVERTIDAS 2020/21

O Concello de Outes ofrece as familias outienses os servizos de conciliación de Madrugadores e Tardes divertidas para o curso 2020-21. Ambos forman parte do programa “Outes Concilia” que se desenvolverá no edificio autónomo do CEIP Plurilingüe de Outes.

As solicitudes poden presentarse de xeito telemático, a través da sede electrónica do Concello (https://outes.sedelectronica.gal), ou de xeito presencial no Centro de Información ás Mulleres de Outes, solicitando cita previa no número de teléfono 981 850 949, en horario de 9:00 h a 14:00 h de luns a venres, dende o 24 de agosto ao 4 de setembro.

 Máis información

 Ver cartel

 Folla de inscrición

 Folla de aceptación das condicións

26/03/2020
Gallery imx xestion residuos covid19 2020
Ico noticia NOTICIA

INSTRUCIÓNS SOBRE A XESTIÓN DE RESIDUOS NA SITUACIÓN DE CRISE SANITARIA OCASIONADA POLO COVID-19

O Concello de Outes informa que para salvagardar a saúde das persoas usuarias e traballadoras do servizo de recollida de lixo, é preciso seguir as indicacións sobre a xestión de residuos domésticos.

Ver indicacións

23/03/2020
Gallery imx anuncio cim
Ico noticia NOTICIA

SERVIZO DE ATENCIÓN ÁS VÍTIMAS DE VIOLENCIA DE XÉNERO

O Concello de Outes, en coordinación co Centro de Información ás Mulleres, comunica que mantén operativo o servizo de atención ás vítimas de violencia de xénero no teléfono do CIM 981850949, en horario de 9:00 a 14:00 horas.

Se necesitas axuda e información:

  • Por teléfono: marca o 016
  • Por mail: escribe a 016-online@mscbs.es

24 horas ao día os 365 días do ano

Whatsapp de apoio emocional inmediato:  escribe a  682916136 / 682508507

Importante! para Emerxencias:

  • Chama ao 112
  • Ou ao 062 (Garda civil) / 092 (Policía local)

 

Para máis información, pica na imaxe