Agenda local

O tenente alcalde e concelleiro de cultura, Anxo Núñez Fernández, xunto con Carlos Outeiral Miniño, director do grupo de teatro Terra de Outes, presentou esta mañá o cartel da primeira edición da mostra de teatro amador de Outes "Nicolasa Añón".

Todos os sábados ás 20:00 horas, dende o 8 de marzo ate o 12 de abril, o auditorio da Casa da Cultura acollerá unha representación teatral nunha escolma feita pola Asociación Cívico-Cultural Terra de Outes e que organiza, conxuntamente, co concello de Outes. O obxectivo da mostra é dar a coñecer agrupacións de teatro amadoras e achegar o seu traballo á veciñanza e visitantes.

O tenente alcalde afirmou "Esta mostra nace da colaboración entre a área de Cultura e o grupo de teatro de Terra de Outes e agardamos que sexa a primeira de moitas por vir." O director do grupo de teatro, pola súa banda dixo que "desenvolvemos esta mostra en colaboración con outras cinco asociacións e agrupacións que se achegan a Outes para compartir o seu traballo coa veciñanza."

As obras serán de acceso libre e gratuíto ate completar aforo polo que non se farán reservas. O 5 de abril terá lugar a estrea da obra "O doente imaxinario... Daquela maneira" do grupo afintrión.

 Ver cartel

O Concello de Outes dá a coñecer o programa de Entroido para este ano 2025,  que comezará o sábado 1 de marzo coa festa de Entroido infantil, con obradoiros, actividades e música para toda a familia. Será ás 17:30 horas no pavillón da Serra.

O 5 de marzo teremos o tradicional Enterro da Sardiña, co concurso de disfraces, onde se repartirán ate 2970€ en premios, e o posterior desfile polas principais rúas da Serra, para rematar na Praza do Bosque coa queima da sardiña e unha chocolatada. Todo o evento estará amenizado coa música da charanga Os Jalácticos.

  Ver cartel

 Ver bases do concurso de disfraces

 Folla de inscrición no concurso de disfraces

O Concello de Outes organiza o servizo de conciliación “TEMPO DE ENTROIDO”, do programa Outes Concilia, destinado a nenas e nenos de idades comprendidas entre os 3 anos (escolarizados) e os 12 anos. Dito servizo desenvolverase os días 3 e 4 de marzo, en horario de 8:00 a 16:00 horas, no edificio autónomo do CEIP Plurilingüe de Outes.

O prazo de inscrición é do 12 ao 21 de febreiro.

 Máis información e condicións do servizo

 Folla de inscrición

 Consentimento para o tratamento de datos persoais

O Concello de Outes organiza o XIX CERTAME DE POESÍA FRANCISCO AÑÓN, certame que leva o nome do máis ilustre literato do noso concello, Francisco Añón, autor do "Rexurdimento" e un dos precursores da lingua galega.

Poderán participar nel todas as persoas que o desexen e que presenten os seus traballos en lingua galega. O prazo de presentación remata o 31 de marzo.

 Ver bases do certame

O Concello de Outes manten a posibilidade de inscrición fóra de prazo para o Servizo de Madrugadores, curso 2024-25 que se enmarca dentro do programa Outes Concilia. Nas seguintes ligazóns podes obter máis información e descargar os formularios pertinentes para formalizar a inscrición.

O Concello de Outes abre o prazo de inscrición para o servizo de “Madrugadores”, curso 2024-2025, que forma parte do programa “Outes Concilia”. Dito servizo desenvolverase no edificio autónomo do CEIP Plurilingüe de Outes.

Madrugadores: ofrece un servizo de acollida, coidado, no que as/os menores poden almorzar. As familias deberán achegar os alimentos diariamente en termos ou envases adaptados a este fin.

Levarase a cabo durante todo período lectivo, en horario de 7:50 h da mañá ata o inicio das clases. As familias farán uso do mesmo, en función das súas necesidades de conciliación, pero deben incorporarse ó mesmo, como mínimo 30 minutos antes de comezar a xornada escolar. O inicio da prestación do servizo será o primeiro día do calendario escolar 2024-2025, o 11 de setembro. Está destinado a nenas e nenos escolarizados no CEIP de Outes, de idades comprendidas entre os 3 e os 12 anos. Poderá ser utilizado de forma fixa ou ocasional. Prazas limitadas.

Visualizar folla informativa e condicións

Descargar folla de inscrición

Descargar consentimento para o tratamento dos datos

O Concello de Outes abre o prazo de inscrición para o Servizo Tempo de Nadal 2024-25, que se enmarca dentro do programa Outes Concilia.

O prazo de inscrición é dende o 2 ata o 12 de decembro. As prazas son limitadas.

 Máis información

 Folla de inscrición

 Folla de consentimento para o tratamento de datos persoais

O tenente alcalde e concelleiro de cultura e festas, Anxo Núñez Fernández, presentou a programación de Nadal enOutes! Un programa amplo e diverso: teatro, baile, concertos, concursos de decoración e postais de Nadal, cabalgata de reis, festa do acendido das luces e, como novidade, a Feira de Nadal enOutes!

Un programa que comeza este domingo con DANCE JOIN no pavillón do CEIP Outes ás 19:00 e que rematará o 5 de xaneiro coa tradicional cabalgata de reis.

Este ano o concello celebrará unha festa de acendido de luces de Nadal con música ao vivo. Terá lugar o vindeiro xoves, 5 de decembro, ás 17:50 horas na praza de Galicia. Contaremos con cantos de Nadal da man da agrupación "A TROULA NA BARQUIÑA". Tamén, por primeira vez, o fin de semana do 14 e 15 de decembro contaremos coa primeira feira de nadal.

Na decoración deste ano colaboraron entidades sociais como ADISBISMUR que axudarán coas súas creacións a decorar as rúas e espazos públicos do concello. Tamén colaboraron as alumnas e profesorado do obradoiro de manualidades municipal e o tecido comercial do concello.

Este ano tamén introduciremos novidades no concurso de decoración de Nadal. As inscricións terán lugar do 1 ao 19 de decembro.

En canto á decoración de Nadal, este ano apostouse por continuar ampliando o catálogo en propiedade do concello mentres se seguen a alugar elementos decorativos para renovar e facer máis atractivo as nosas rúas nesta época máxica do ano.

O tenente alcalde aproveitou a ocasión para desexar unhas boas festas a toda a veciñanza e convidar aos cidadáns e visitantes a gozar de todos os actos culturais e públicos así como a facer consumo de proximidade no comercio local de Outes.

 Ver a programación

Ver vídeo da presentación

Con motivo da celebración do 25N, Día Internacional para a Eliminación da Violencia contra as Mulleres, o Concello de Outes levará a cabo unhas actividades conmemorativas.

O sábado 23, baixo o título VOCES EN FEMININO, OUTES CONTRA A VIOLENCIA DE XÉNERO, terá lugar na Casa da Cultura un acto onde a música será a protagonista, e o día 25, ás 12:30 horas, haberá unha concentración diante da Casa do Concello.

 Ver cartel.

A Deputación da Coruña, dentro da programación deportiva para o ano 2025, pon en marcha a Campaña de Neve 2025 que terá lugar na Estación Invernal de Valgrande-Pajares (Asturias).

O Concello de Outes ten adxudicadas 5 prazas para  para a 5ª quenda que terá lugar dende o 07/02/25 ata o 10/02/25. Os participantes neste programa gozarán de catro días con aloxamento a pé de pista e manutención, ademais de cursos de esquí.

Para participar é preciso ter entre 11 e 15 anos (cumpridos a 31 de decembro de 2024) e estar empadroados en Outes.

 Máis información e folla de inscripción

O concello de Outes informa de que abrirá o prazo de inscricións o vindeiro martes, 29 de outubro, para aquelas persoas que queiran participar na formación en Carpintaría de Ribeira a través do proxecto conxunto do Concello de Outes e a asociación Terra de Outes: “Reconstrución dun barco Sancosmeiro e recuperación da carpintería de ribeira”.

A formación vai destinada a protexer e divulgar o patrimonio material e inmaterial da carpintaría de ribeira e achegar os coñecementos en carpintaría á cidadanía en xeral.

As inscricións realizaranse no rexistro do concello ou a través da sede electrónica ( outes.sedelectronica.gal)

Máis información:
Proposta formativa	Calendario do curso	Condicións de inscrición e participación

 Ver cartel

 Folla de inscrición