Agenda local

12/08/2022
Gallery imx madrugadores tardes divertidas 2022 23
Ico noticia NOTICIA

SERVIZOS DE MADRUGADORES E TARDES DIVERTIDAS 2022/2023

O Concello de Outes pon a disposición das familias outenses os servizos de conciliación “Madrugadores” e “Tardes Divertidas” para o curso 2022-2023, que forman parte do programa “Outes Concilia”.

Ámbolos dous servizos están destinados a nenas e nenos menores escolarizados no CEIP de Outes, de idades comprendidas entre os 3 e os 12 anos.

 Máis información

 Folla de inscrición

 Folla de consentimento para o tratamento de datos personais

11/08/2022
Gallery imx feirina 2022
Ico noticia NOTICIA

III EDICIÓN DA FEIRIÑA, FEIRA DO COMERCIO LOCAL DE OUTES

A rúa da Capela, na Serra de Outes, volverá acoller o vindeiro sábado 20 de agosto a terceira edición de “A Feiriña”, un evento organizado polo Concello de Outes en colaboración co comercio local. A rúa da Capela encherase con preto de 40 postos ao aire libre nos que se poderán mercar produtos de todo tipo. Haberá negocios que van desde roupa e confección, regalos, artesanía a produtos do agro e gastronómicos e mesmo automoción e maquinaria.

A apertura da feira está prevista para as 11:00 horas, ás 12:30 terá lugar unha actuación dirixida ao público infantil e familiar co espectáculo “Pallaso total”. Ás 13:30 horas haberá música para o vermú, a cargo do grupo de música latina “Habana Café Son” e ás 21 horas actuará o grupo “Os Piñeiros Band”, quen traerá ritmos pop e rock dos anos 70, 80 e 90. Ademais sortearase un xantar ou cea para dúas persoas entre as persoas que merquen e consuman nos locais participantes da Feiriña.

O alcalde, Manolo González, convida á veciñanza da comarca e ás persoas que visitan Outes a visitar este evento que mestura comercio, gastronomía e música para tódolos públicos. “Coa feira preténdese promocionar o comercio do concello e dar a coñecer a propia vila da Serra de Outes entre os nosos visitantes, como un espazo ideal para facer compras, xantar ou dar un paseo á beira do río”.

 Ver bases do sorteo

 Ver cartel

 Ver programa

08/08/2022
Gallery imx porta porta 08082022
Ico noticia NOTICIA

COIDADOS PORTA A PORTA

Servizos asistenciais da Xunta de Galicia para as persoas maiores do rural para a prevención da dependencia.

Trátase de servizos de podoloxía, audioloxía e estimulación da memoria.

 Ver cartel

 Ver tríptico

21/06/2022
Gallery imx residencia artistica 21062022
Ico noticia NOTICIA

RESIDENCIA ARTÍSTICA XUVENIL

A Asociación de Desarrollo Local Deloa (DELOA), en colaboración cos Concellos de Noia, Outes e Porto do Son, pon en marcha un novo programa de Emprego xuvenil, denominado Residencia artística xuvenil, que se desenvolverá nos meses de xullo e agosto nos concellos de Porto do Son, Noia e Outes.

A través desta formación, mozos/as de entre 16 e 29 anos tomarán coñecemento sobre a industria musical.

Esta formación permitirá ás persoas participantes coñecer de cerca a industria musical e darlles as ferramentas para desenvolver os seus proxectos artísticos con criterio e dirección.

Ademais, terán a oportunidade de coñecerse entre si e formar grupos de traballo, dando lugar a un laboratorio de creación musical. Á par, traballaranse as competencias para o emprego, a través de formacións levadas a cabo por profesionais do sector da comunicación, coaching, a selección de persoal e orientación laboral, preparándoos para a súa futura empregabilidade.

Máis información:  https://www.deloa.es/residencia-artistica/

13/06/2022
Gallery imx deportes veran 2022
Ico noticia NOTICIA

ACTIVIDADES DEPORTIVAS: VERÁN 2022

O Concello de Outes presenta a oferta de actividades deportivas para os meses de verán.

 Ver tríptico das actividades

 Descargar folla de inscrición

13/05/2022
Gallery imx campamento veran 2022
Ico noticia NOTICIA

CAMPAMENTO DE VERÁN 2022, OUTES CONCILIA

O Concello de Outes organiza o CAMPAMENTO DE VERÁN 2022, OUTES CONCILIA que se desenvolverá, en distintas quendas, entre o 23 de xuño e o 7 de setembro, no CEIP Plurilingüe de Outes.

O campamento, que ten prazas limitadas, está dirixido a nenos e nenas de 3 anos (escolarizados) a 16 anos e o período de inscrición será do 16 ao 31 de maio.

 Máis información

 Folla de inscrición

 Consentimento para o tratamento de datos persoais

 Modelo de declaración responsable

30/03/2022
Gallery imx v mostra mdfdm 2022
Ico noticia NOTICIA

V MOSTRA MARES DA FIN DO MUNDO

Xa estamos a preparar a vindeira Mostra MDFDM: será do 28 de outubro ao 1 de novembro.

Quedades convidados dende agora!

www.maresdafindomundo.gal

04/03/2022
Gallery imx ceo 04032022
Ico noticia NOTICIA

CENTRO DE EMPRENDEMENTO DE OUTES (CEO)

As instalacións do CEO están a disposición de autónomos e empresas do municipio.

Infórmate na Axencia de Desenvolvemento Local do Concello.

 Ver imaxe

24/11/2021
Gallery imx ceo outes
Ico noticia NOTICIA

CENTRO DE EMPRENDEMENTO DE OUTES (CEO)

O Concello de Outes informa da apertura de solicitudes para o acceso ao Centro de Emprendemento de Outes (CEO), un espazo de traballo colaborativo para promover o nacemento de iniciativas empresariais.

 Ver imaxe

 Convocatoria de adxudicación de uso dos espazos do CEO

  Normas de acceso e uso do CEO

 Solicitude de acceso ao CEO

25/08/2021
Gallery imx web comercio local
Ico noticia NOTICIA

OUTES PRESENTA UNHA WEB COA QUE DARLLE VISIBILIDADE AO SEU COMERCIO DE PROXIMIDADE

O Concello de Outes acaba de anunciar a posta en marcha dun directorio web do comercio de proximidade co que pretende que os comercios outenses gañen visibilidade e a veciñanza poida consultar información de interese sobre eles.

O enderezo de acceso é http://comercio.outes.gal

En declaracións do alcalde de Outes, Manuel González, “esta plataforma servirá como escaparate virtual para todos os comercios da localidade e está pensada para facilitar aos negocios o seu posicionamento online”. Ademais, agregou González López, “permitiralle á veciñanza facer buscas para atopar os locais que precisa para realizar as súas compras, os datos para poder contactar con eles así como saber onde se atopan a través da súa xeolocalización”.

A páxina web dispón dun apartado de novas onde irá subíndose toda a actualidade e todas as novidades que sexan do interese do comercio outense. O sitio web comeza a súa andaina inicial con 150 establecementos divididos en oito categorías: alimentación, banca, comercio, hostalaría, servizos profesionais, salóns de beleza, servizos sanitarios e talleres. Dende o Concello indicaron que pode haber erros ou omisións no directorio polo que lle piden aos comerciantes que contacten co concello se os detectan.

O obxectivo “é desenvolver o potencial que ten todo o tecido comercial do municipio e axudar na súa adaptación ás novas circunstancias do mercado e aos novos hábitos de consumo, sen perder a esencia do comercio local, de tempada e de proximidade”, sinalou o rexedor.