Axenda local

22/11/2021
Gallery imx en negro 2021
Ico noticia NOVA

25 DE NOVEMBRO, DÍA INTERNACIONAL CONTRA A VIOLENCIA DE XÉNERO: ACTIVIDADES DO CONCELLO DE OUTES

Actividades do Concello de Outes para conmemorar o 25 de novembro, día internacional contra a violencia de xénero:

  • O luns 22 de novembro no IES Poeta Añón terá lugar un encontro-debate "HAI SAÍDA GRAZAS A TI" sobre a abordaxe da violencia de xénero no que participará o alumnado de 3º da ESO. Actuación enmarcada na Rede de entidades locais contra a violencia de xénero da que forma parte este concello.
  • O xoves 25 de novembro no CEIP Plurilingüe de Outes destinado a todo o alumnado terá lugar o espectáculo de maxia "A IGUALDADE NON TEN TRUCO".
  • O sábado 27 de novembro na Casa de Cultura a representación teatral "CHOLA, A IT GIRL", para maiores de 12 anos.

Como en anos anteriores, este concello súmase a varias campañas que visibilizan a loita contra a violencia de xénero:

  • Campaña OUTES EN NEGRO. Lévase a cabo a colocación de pancartas na Casa do Concello e na Casa de Cultura, xunto co reparto de cartelería contra as violencias machistas e mochilas co lema OUTES EN NEGRO, CONTRA AS VIOLENCIAS.
  • Campaña da Deputación de A Coruña DE FRONTE á violencia de xénero. A través da web defronte.gal pódese acceder, entre outras, as seguintes actividades: scape room para traballar a igualdade de xeito cooperativo, espectáculo musical para público infantil...Vinculado á campaña levarase a cabo un reparto de material.