O Concello de Outes pon en marcha unha nova fase do seu programa de compostaxe doméstica co obxectivo de animar á veciñanza a transformar os seus residuos orgánicos en vida e abono natural para as súas hortas ou xardíns. Grazas á colaboración de Sogama, distribuiranse un total de 50 novos composteiros gratuítos entre os residentes do municipio. Esta iniciativa está dirixida a todas aquelas persoas que residan nunha vivenda unifamiliar e dispoñan de horta ou xardín dentro do termo municipal de Outes, e que aínda non dispoñan dun.

O Concello de Outes convoca a IV Gala do Deporte, que ten por obxectivo principal recoñecer e premiar publicamente o labor de persoas e entidades que desenvolvan a súa actividade no Concello de Outes e que destaquen dalgunha maneira pola súa traxectoria deportiva, logros ou contribución ao fomento deportivo do noso concello.