Axenda local

O vindeiro 17 de maio, día das Letras Galegas, celebraremos o acto do XXVIII Certame Francisco Añón de Poesía, onde se darán a coñecer os poemarios premiados deste ano.

Tamén se fará a presentación do libro que recolle as poesías premiadas na XXVII edición e o libro do gañador da categoría F (maiores de 18 anos) “(De)catarse”, de Naila María González Rodríguez.

Acompañará o acto o dúo "Dara e Manuel".

Venres 17 de maio ás 17:00 horas na Casa da Cultura de Outes.

O Concello de Outes, comprometido e interesado en promover os valores creativo-literarios da nosa lingua, organiza o XXVIII CERTAME DE POESÍA FRANCISCO AÑÓN, certame que leva o nome do máis ilustre literato do noso concello, Francisco Añón, autor do "Rexurdimento" e un dos precursores da lingua galega.

Poderán participar nel todas as persoas que o desexen e que presenten os seus traballos en lingua galega. O prazo de presentación remata o 1 de abril.

 Ver bases